Indesa

INDESA 2010 irabazi-asmorik gabeko erakundea da, desgaitasuna duten pertsonei kalitatezko enplegu egonkorra eskaintzeko sortua, pertsona horiek laneratzeko eta gizarteratzeko. Helburu horrekin konprometituta, gure zerbitzuen bidez agerian uzten dugu enpresaren eraginkortasunak eta bokazio sozialak kalitatezko lana ematen dutela. Enplegu-unitate gehien sortzeko, industria- eta zerbitzu-jarduerak kudeatzen ditugu, eta tailerretatik sektore publikoa eta enpresa pribatua artatzen ditugu. Guztia, prezio lehiakorrean eta bezeroaren beharrei erantzunez.

INDESA 2010ek hainbat lan-eremu ditu: garbitegia, garbiketa, lorezaintza eta baratzezaintza, sukaldea eta industria-eremua. Laudioko egoitza hainbat sektoretako enpresei industria-irtenbideak ematen zentratuta dago. Hauek dira gure prozesu nagusiak:

Packaging

Packaging-soluzioetan espezializatuta, teknologiarik egokiena aplikatzen diogu eskatutako produktuari/zerbitzuari, eta produktuari bereizketa egiten dioten soluzio-sorta zabala proposatzen dugu, packaginga marketin-tresna gisa erabilita.

Blister (maiztasun handia eta termozigilatua), flow-pack, erretraktilatua, skin eta PET eta PVCzko erretiluak fabrikatzen ditugu.

Era berean, jarduera osagarriak egiten ditugu: erakustokiak, kutxatilak, loteak eta kalitate-kontrola.

Muntaketa

Muntaia mekanikoak egiten ditugu, osagaien fabrikazioa eta erosketa kudeatu ahal izateko. Fabrikatzen ditugun mihiztadurek doitasun- eta konplexutasun-maila desberdinak eskatzen dituzte.